[i556]

DE LA VILLE DE PARIS.

451

seculliers, et le doyen de la Faculté, acompaignez de leurs bedeaulx et officiers, lesd, seculliers portans leurs chappes fourrées. Et de l'autre costé, les chanoines de Sainct Germain de l'Auxerrois, chantans et priant Dieu pour led. deffunct.

Après, marchoient plusieurs docteurs seculliers et bacheliers, qui portoient led. corps descouvert comme dessus.

Après, suyvoient mess" les Presidens et Conseillers de la Court de Parlement, vestuz de robbes noires.

Après, suyvoient mess" des Comptes, vestuz comme dessus.

Après, marchoit .mons^r le Prevost des Marchans et les Eschevins de lad. Ville, vestuz comme dessus, acompaignez d'aucuns archers pour faire serrer le peuple.

Après, marchoient les freres dud. deffunct, vestuz de robbes longues de deul, portans espées dessus en signe de leur noblesse.

Après, suivoyent grant nombre de notables bourgeois de tous estatz de lad. Ville.

Et ainsi allerent jusques à lad. eglise des Blancs Manteaulx où led. corps fut ensepulturé en la nel' devant le Crucifix de lad. eglise.

Et y avoit si grant nombre de peuple par les rues où led. corps passoit, pour le desir qu'on avoit de le voir pour la derniere foys, que à grande peyne povoit on passer.

Et le landemain fut faict son service en lad. eglise des Blancs Manteaulx avec le sermon funèbre à sa louange⁽¹⁾.

DCCCXXXIV.— Pour l'entrée et reception de Mons^1, de Montmorency, Lieutenant du Roy, Gouverneur de Paris et Ysle de France.

24 septembre 1556. (Fol. 2i3 r°.)

Du xxmi^e jour de Septembre mil v^clvi.

En Assemblée le jour d'huy faitte, en l'Ostel dela Ville de Paris, de Mess" les Prevost des Marchans, Eschevins et Conseillers d'icelle, pour adviser sur l'entrée de Mons^r de Montmorency, à present Lieutenant du Roy, Gouverneur de Paris el de l'Isle de France, et quel present l'on luy doibt faire à sa bien venue, sont comparuz, c'est assavoir :

mons^r Perrot, Prevost des Marchans;

mons^r de Courlay, mons^r Messier : Eschevins;

mons^r Hennequin m° des Comptes, mons^r le Lieutenant particulier, sire Denis Berthelemy, sire Jehan Croquet, sire Pierre Croquet, mons^r Paluau, sire Claude Le Sueur, mons' Le Lievre : Conseillers de lad. Ville. '

Après avoir veu et oy la lecture du Registre de lad. Ville, faisant mention de la reception et entrée de Mons^r l'Amiral oud. estat de Gouverneur de Paris el Ysle de France, a esté conclud que lad. Ville doibt recevoir led. s^r de Montmorency le plus honnorablement que faire ce pourra, ainsi que ont esté ses predecesseurs. Et quant au present luy faire myeulx que aux autres et jusques à la somme de quatorze cens livres tournois, attendu la lignée dont il est yssu et le bien que la Ville a receu et reçoit journellement de Monseigneur le Connestable son pere.

Ce faict, a esté ordonné Mandemens estre expédiez à Mess" les Conseillers et aux Quarteniers, dont la teneur ensuit.

DCCCXXXV. — Mandemens aux xvi Quarteniers.

24 septembre i556. (Fol. 2i3 v°.)

#e par les Prevost des Marchans et Eschevins de la Ville de Paris. "Sire Jehan de Sainct Germain, Quartenier de lad. Ville, appellez trois des plus apparans et notables personnes de vostred. quartier, tant officiers du Roy que bourgeois, et soyez tous demain à une heure

attandant deux de relevée à la Grande Salle de l'Hostel de lad. Ville, pour assister à la reception de Monseigneur de Monlmorancy en l'estat de Gouverneur de Paris et Ysle de France : si n'y faittes faulte.

"Faict au Bureau de lad. Ville le xxiur⁵ de Septembre mil v^c lvi. "

⁽¹⁾ En vue de compléter les intéressants détails que le Registre donne eur la personne de maitre François Le Picart et sur l'imposante cérémonie de ses obsèques, nous prions le lecteur de se reporter à la note 3 de la page 249, °-¹ -- trouvera quelques indications historiques et bibliographiques sur la vie et la mort de ce personnage, célèbre dans l'histoire ecclésiastique du xvi" siècle. — La moitié inférieure du folio 212 v° est restée en blanc.